اکبر کې د ظرفیت لوړونې پروګرام بنسټیزه چاره د منظمو لارښوونو یو روغ او جوړښتيز میتود دی، کوم چې د ملي، ولایتي او سیمه‌ییزو همکارو مؤسسو لپاره هم په حضوري ډول او هم په انلاین ډول وړاندې کېږي. دا میتود اکبر ته ددې زمینه برابروي چې د مؤسسو د جغرافیایي موقعیت ته له پام پرته، ملي او سیمه اییزې مؤسسو ته دوامدار، د لاسرسي وړ او اغېزناک تخنیکي ملاتړ چمتو کړي. 
د یادو لارښوونو بهیر درې منظم پړاوونه لري:
•    د څانګو د ظرفیتونو ارزول (DCA): هره همکاره مؤسسه به د اکبر د ظرفیت لوړونې د ټاکل شوي متخصص له خوا کتل کیږي او د هغوي د بېلابېلو څانګو ظرفیت به ارزوي، ترڅو د هرې څانګې اړتیاوې او د ښه والي په نیت لومړیتوبونه وپېژندل شي.
•    د موندنو پر بنسټ کاري پلان: د DCA د موندنو پر بنسټ، له مؤسسې سره په ګډه یو ځانګړی کاري پلان جوړېږي، چې د ظرفیت لوړونې ځانګړي، عملي او د لاسته راوړلو وړ اقدامات او مهم پړاوونه پکې تعریف شوي وي.
•    د ۳۰ تر ۹۰ ورځو د پلي کېدو موده: د ظرفیت پیاوړتیا فعالیتونه د ۳۰ تر ۹۰ ورځو په منظم کاري چوکاټ کې د حضوري لارښوونو، لیدنو او انلاین لارښوونو د ګډو فعالیتونو له لارې ترسره کېږي، څو عملي او دوامدار ملاتړ تر هغه وخته باوري شي چې دمؤسسې د پرمختګ په برخه کې د پام وړ پایلې ترلاسه شي.
دغه لارښوونیز ماډل اکبر ته ددې وړتیا ورکوي چې د هرې مؤسسې د ځانګړو کاري شرایطو پر بنسټ، ځواب ویونکي او د شواهدو پر بنسټ ملاتړ وړاندې کړي او اړونده میتود غوره کړي؛ نه دا چې ټولو ته یو ډول او له وړاندې ټاکل شوی معیاري میتود تطبیق کړل شي.
د  اکبر غړې مؤسسې د خپل غړیتوب د امتیازاتو د یوې برخې په توګه د ظرفیت لوړونې ټولې چوپړتیاوې په بشپړه توګه وړیا ترلاسه کوي  او هغه مؤسسې چې د اکبر غړیتوب نلري هم کولای شي د یوه ثابت، مناسب او کم فیس په ورکولو سره د ظرفیت لوړونې له ټولو چوپړتیاوو څخه ګټه واخلي؛ ترڅو د لوړ کیفیت ملاتړ د افغانستان ټولو نادولتي مؤسسو ته د لاسرسي وړ وي. 

 د غړو مؤسسو د نوملیکنې لینک                                                          د غیرغړو مؤسسو د نوملیکنې لینک 

د تخصصي تجربو د شریکولو ټولنې لپاره د وصل لینک  (CoP) 

د دې لپاره چې ملي نادولتي مؤسسې د شواهدو پر بنسټ د پروګرامونو د طرحې لپاره د معلوماتو په خپلواکه توګه راټولول، د هغوی مدیریت او د تحلیل وړتیا ترلاسه کړي، اکبر د څېړنې په برخه کې له مخکښو تخصصي بنسټونو سره په همکارۍ (چې د تخنیکي لارښوونې همدغه بنسټونه به وروسته اعلان شي) د څېړنې او معلوماتو تخصصي سیمینارونه جوړوي. په دغو سیمینارونو کې عملي تمرینونه له تخنیکي لارښوونې سره یوځای کېږي، څو ګډونوالې مؤسسې په هغو مهارتونو سمبالې کړي چې د ساحې په کچه د لوړ کیفیت څېړنو او ارزونو د رهبري لپاره ورته اړتیا لري.